khaled Juma
سجل الزوار   راسلني   الصفحة الرئيسية
   
 
 
  قصائد
  قصص
  مسرح
  translation
  أبحاث ودراسات
  أعمال آخرين
  مواقع أدبية
  متفرقات
  صور
   
 
أغاني
صبح مجنون

صُبِحْ مجنون
لا وردِةْ ولا حسّونْ
ولَدْ خايف عَ مَفْرَقْ ليل
ونتفِةْ بلد في حِلِمْ مَسجونْ

غزة بِنِتْ بضفاير سُوْدْ
طالعةْ من حمّام الشَّمِسْ
بْتِحْكي هَمِسْ
لوردِةْ ندى على شْفافي
لغيمة مشنشلة أشعارْ
وحِلِمْ غافي
غزة بِنِتْ بضفاير سُوْدْ
تِتْعَبْ.. يْهَدْهِدْهَا البَحَرْ وتنامْ
ويطلَع سَبَلْها من بين لِخْيَامْ
والفَرَحْ من طَلّةْ ولَدْ حافي
ناسي الكلام

أجاها الليل على سهوِةْ
صَرَخْ قَصْقَصْ ضَفَايِرها
جَنّ وْسكَّتِ الغِنوةْ
ونتَّفْ ريش بيادِرها

قومي وافتحي الشِّباك
بكرة جاي
في ايدو ناي
بيرُجّ الفضا صوتو
ويصحى النور من موتو
يبوّس خُضرِة اعتابِك
يكتِب عمرو على بابك

صبِح صاحي
هاي وردة وهاي حسون
ولد طالع ع مفرق ضو
وبلد يحلم ندى وحنّون