khaled Juma
سجل الزوار   راسلني   الصفحة الرئيسية
   
 
 
  قصائد
  قصص
  مسرح
  translation
  أبحاث ودراسات
  أعمال آخرين
  مواقع أدبية
  متفرقات
  صور
   
 
أغاني أطفال
يا بنت الليل يا نجمة

يا بِنْتِ اللّيلْ يا نِجْمِةْ
خَبّي عِينيكي في العِتْمِةْ
لا تْشوفي صلاةِ الخوفْ
ولا زُرْقِةْ صِدِرْ مكشوفْ
مِشِ مْغَطّى ولا بْكِلْمِةْ
يا بِنْتِ اللّيل يا نِجْمِةْ

هذا اللّي بِيْهِزِّ الفَجِرْ
طَايِرْ بَسْ مِشْ عصفورْ
وهذي خْطُوطْ مِشْ مِنْ حِبِرْ
هذي بَقَايا دُوْرْ
وهذا صوتي مِشْ طَالِعْ
بِيْدَوِّرْ عَلَى صُبْحِي
ويِبْكي لمّا تِنْدِبْحِي
ناديتِك
ما لاقيتِك
لا لمْسِة ولا ضمّة
يا بنت الليل يا نجمة

غزة يا بِنِتْ مسروقة
مِنِ النايات
عَرُوسْ بْطَرْحَةْ مَحْرُوقَةْ
بلا حْكاياتْ
يسألْ طِفِلْ شو سوّى
للفضا طَقْطَقْ وْضوّى
يغزل حِلْمو مِنْ شانِك
وليش هربانة غُزْلانِك
احمِلِي صوتو وسمّي
يا بنت الليل يا نجمة
ما ضلِّشْ ولا كِلْمِةْ

9 كانون ثاني 2009