khaled Juma
سجل الزوار   راسلني   الصفحة الرئيسية
   
 
 
  قصائد
  قصص
  مسرح
  translation
  أبحاث ودراسات
  أعمال آخرين
  مواقع أدبية
  متفرقات
  صور
   
 
قصص
إثمي ياثر ـ قثة للأطفال
 

إثمي ياثر ـ قِثَّة للأطفال

مث عارف ليث أمي ثمتني ياثر، المثيبة الثودة إنو بيثير اثم عيلتي ياثر ثالح الثرثاوي، وقال بيجي اثتاذ المدرثة وبيثألني ليث ما بعرف أحكي الحروف ثح، مع إنو ثايف إنو في ثنين مكثورات من قدام عثان وقعت عن البثكليت من ثهر تقريبا، وثار الدم ينذل من ثناني وبعد ما وقف الدم اكتثفت انو حرف الثين وحرف الثاد طارو من وقعة البثكليتة، والثين لحقتهم كمان، وهات وثلّكني من ثلة الذعران اللي بالثف.
هديك اليوم قعدت أحثب كم حرف بتحربط فيهم، حطيت حروف الأبجدية قدامي وقعدت أحكي فيهم واحد واحد، ألف، باء تاء ثاء جيم حاء خاء دال راء ذين ثين ثين، ثاد ضاد طاء ظاء عين غين فاء قاف كاف لام ميم نون هاء واو ياء، يعني طلعو عندي أربع حروف ولا إلهم علاقة باللغة العربية.

هداك اليوم عملت اثي محدث توقعو، طلب منا الاثتاذ نكتب موضوع تعبير عن فلثطين، وطبعاً كان ما بيحبني الاثتاذ عثان ابوي ما رضي يبيعه ثيارته المرثيدث، وكان قثدو يخليني مثخرة قدام الاولاد، بث أنا مث قليل ذي ما أمي دايما تحكيلي، ورحت كاتب موضوع مفث فيه ولا حرف من اللي ما بيطلعو معي، لما اجا الاثتاذ طلعني اول واحد عثان الاولاد يضحكو علية وأنا بقرأ، وبديت في القراية:

بلادنا جميلة، يحدها لبنان والأردن والبحر وبلاد الأهرامات، ولها تاريخ كبير وقديم، فيها الجوامع وبيوت العبادة للديانات الأخرى، وهي محتلة من عدو لا يرحم، يقتل ويأخذ الأراضي، ونحن نقاوم حتى يأتي يوم نتحرر فيه.

طبعا ولا واحد في الاولاد عرف يتمثخر علية، وأهم من هيك ثار اثي عجيب غريب، أتاري الاثتاذ باقي قبلها بيوم ثنو بيوجعو، ورايح على دكتور الاثنان ولقي ثنو مثوث كتير من الثجاير، وقلعلو ياه، احذرو اي ثن، الثن اللي تحت من قدام، وفجأة اللا هو بيقولي على موضوع التعبير: أحثنت يا ياثر، فرديت عليه: ثكرا يا اثتاذ، وفي هاي اللحظة انفجر الثف كلو بالضحك.

     
عدد التعليقات 2